NLN

नवापूरमध्ये मास्क न लावल्यास दंड नंदुरबार दि.20- नवापूर शहरातील सार्वजनिक आणि गर्दीच्या ठिकाणी चेहऱ्यावर मास्क  किंवा रुमाल न लावल्यास 200 रुपये दंड करण्याचे निर्देश नगरपरिषदेच्या मुख्याधिकारी तृप्ती धोडमिसे यांनी दिले आहेत. सार्वजनिक ठिकाणी  पान किंवा तंबाखूचे सेवन केल्यास 100 रुपये दंड आकारणी करण्यात येईल. सकाळी 9 ते सायंकाळी 7 या निर्धारीत वेळेव्यतिरिक्त दुकाने सुरू ठेवल्यास 500 रुपये दंड आकारण्यात येईल. औषध विक्रीच्या दुकानांना यातून सूट देण्यात आली आहे. रविवारी जनता कर्फ्यु दरम्यान केवळ दूध आणि वृत्तपत्र विक्रीस सकाळी 7 ते 9 या वेळेत अनुमती असेल. इतर दुकाने सुरू राहिल्यास 1000 रुपये दंड आकारण्यात येणार आहे. दंडाची रक्कम भरण्यास टाळाटाळ केल्यास आपत्ती  व्यवस्थापन कायदा, साथ रोग प्रतिबंधक कायदा आणि भारतीय दंड संहिता 1860 नुसार  कारवाई करण्यात येईल, असे आदेशात नमूद करण्यात आले आहे. ---

चला जबाबदारी स्विकारूया! कोविड-19 रुग्णांमध्ये होत असलेली वाढ लक्षात घेता या आजाराचा संसर्ग नियंत्रित करण्यासाठी जनतेचा सहभाग आवश्यक आहे. यासाठी राज्यभरात ‘माझे कुटुंब माझी जबाबदारी’ ही मोहिम राबविण्याचा निर्णय राज्य शासनाने घेतला आहे. या मोहिमेअंतर्गत राज्यातील शहर, गाव, पाडे-वस्त्या आणि तांड्यातील प्रत्येक नागरिकाची आरोग्य तपासणी करण्यात येणार आहे. मोहिमेचा शुभारंभ 15 सप्टेंबर रोजी करण्यात आला.  गृहभेटीसाठी जिल्ह्यात 482 पथके तयार करण्यात आली असून 3 लाख 78 हजार घरांपर्यंत पोहोचण्याचा प्रयत्न असणार आहे.  प्रत्येक पथकात एक आरोग्य कर्मचारी आणि 2 स्वयंसेवक असतील. हे स्वयंसेवक स्थानिक सरपंच किंवा नगरसेवक निश्चित करतील.  प्रत्येक पथक एक दिवसात 50 घरांना भेट देईल. 5 ते 10 पथकामागे एक डॉक्टराची नेमणूक करण्यात आली आहे. पथकासोबत इल्फ्रारेड थर्मामीटर, पल्स ऑक्सीमीटर, सॅनिटायझार देण्यात येणार आहे. घरातील व्यक्तींचे तापमान आणि ऑक्सिजनचे प्रमाण मोजण्यात येऊन त्याची नोंद घेण्यात येईल. ताप 100.4 फॅरनहाईट (38 डिग्री से.) किंवा जास्त असल्यास किंवा ऑक्सिजनचे प्रमाण 95 टक्क्यापेक्षा कमी अस...

‘माझे कुटुंब माझी जबाबदारी ’ मोहिमेचा विभागीय आयुक्ताच्या हस्ते शुभांरभ नंदुरबार (जिमाका वृत्तसेवा) दि.15:   नाशिक विभागीय आयुक्त राधाकृष्ण गमे यांच्या हस्ते ‘माझे कुटुंब माझी जबाबदारी ’ या नंदुरबार जिल्हास्तरीय मोहिमेचा शुभारंभ जिल्हाधिकारी कार्यालयात करण्यात आला. यावेळी जिल्हाधिकारी डॉ.राजेंद्र भारुड, जिल्हा पोलीस अधिक्षक महेंद्र पंडीत, अप्पर जिल्हाधिकारी महेश पाटील, निवासी उपजिल्हाधिकारी सुधीर खांदे, जिल्हा शल्यचिकित्सक डॉ.रघुनाथ भोये, जिल्हा आरोग्य अधिकारी डॉ.नितीन बोडके आदी उपस्थित होते. श्री.गमे म्हणाले, मुख्यमंत्री उद्धव ठाकरे यांच्या संकल्पनेनुसार या मोहिमेचे आयोजन करण्यात येत आहे. मोहिमेच्या माध्यामातून ग्रामीण भागातील ज्येष्ठ नागरीक व अतिजोखमीच्या व्यक्तींची माहिती घेण्यात येणार आहे. नागरिकांनी आरोग्य पथकाला योग्य माहिती द्यावी आणि आरोग्य तपासणीसाठी सहकार्य करावे. कोरोनासाठी प्रशासनातर्फे अनेक उपाययोजना करण्यात येत असल्या तरी कोरोना होऊच नये यासाठीचे नियोजन आवश्यक आहे. त्यादृष्टीने ही व्यापक मोहिम हाती घेण्यात येत आहे. कोरोना प्रतिबंधासाठी घ्य...

जिल्ह्यात ऑक्सिजन बेड्सची पुरेशी उपलब्धता-जिल्हाधिकारी नंदुरबार (जिमाका वृत्तसेवा) दि. 14: जिल्ह्यात ऑक्सिजन बेड्स पुरेशा प्रमाणात उपलब्ध असून नागरिकांनी घाबरून जावू नये, असे आवाहन जिल्हाधिकारी डॉ.राजेंद्र भारुड यांनी केले आहे. जिल्हा शासकीय रुग्णालयात 200 बेड्सची सुविधा असून पाच खाजगी रुग्णालयांनादेखील कोविड उपचारासाठी मान्यता देण्यात आली आहे. यात नवापूर येथील 3 व नंदुरबार येथील दोन रुग्णालयांचा समावेश आहे. यापैकी चार रुग्णालयात उपचार सुरू करण्यात आले आहेत.  आज शहादा येथील दोन अन्य रुग्णालयांना कोविड उपचारासाठी मान्यता देण्यात आली आहे. या रुग्णालयात 75 बेड्स असून त्यापैकी 47 ऑक्सिजन बेड्स आहेत. जिल्ह्यातील कोविड बाधितांना योग्य उपचार मिळावे यासाठी प्रशासन प्रयत्नशील असून नागरिकांनी घाबरून न जाता वेळेवर उपचार घ्यावेत, असे आवाहनही डॉ.भारुड यांनी केले आहे. 00000